Ислом цивилизацияси марказида ўтаётган нуфузли анжуманда “Муфтий Бобохоновлар” Фонди директори Жамолиддинхон Бобохонов, Фонд директор ўринбосари Нозимхон Абидов ҳамда Фонд таъсисчиларидан Мухлисахон ая Зиёвуддинхон қизи иштирок этди.

Форум доирасида хорижий ва маҳаллий олимлар билан мулоқот қилинди. Хусусан, Муфтий Бобохоновларнинг шогирдлари бўлган Кавказ мусулмонлари идораси раиси Шайхулислом Оллошукур Пошозода, Россия мусулмонлари диний идораси раиси, бош муфтий Талъат Тожиддин, Россия муфтийлар кенгаши раисининг биринчи ўринбосари, теология фанлари доктори, профессор Дамир ҳазрат Мухетдинов, машҳур хаттот Ҳабибуллоҳ Солиҳ каби  диний арбоблар, МДҲ давлатлари муфтийлари ва таниқли уламолар билан учрашувлар ташкил этилди.

Бундай мулоқотлар ўзаро ҳамкорликни янада мустаҳкамлаш ҳамда дўстона алоқаларни ривожлантиришга хизмат қилади.