Муфтий Бобохоновлар жамғармаси ва “Шамсуддинхон Бобохонов” нашриёт – матбаа ижодий уйи ўртасида “Англашув меморандуми” имзоланди

2023 йил 4 август куни Муфтий Бобохоновлар жамғармаси ва “Шамсуддинхон Бобохонов” нашриёт – матбаа ижодий уйи ўртасида “Англашув меморандуми” имзоланди. Ушбу Меморандум доирасида ўзаро китоблар нашр этилмоқда.

Муфтий Бобохоновлар жамғармаси ва IRCICA ўртасида Меморандум имзоланди

Муфтий Бобахоновлар жамғармаси ва IRCICA ўртасида тарихий қўлёзмалар коллекцияларини ўрганиш ва каталоглаштириш бўйича қўшма лойиҳаларни амалга ошириш бўйича ҳамкорлик тўғрисидаги меморандум имзоланди. Жумладан жамғармамиз архивида сақланаётган муфтийлар сулоласи ҳужжат ва суратларини каталогини биргаликда тузиш ва рақамлаштириш, ўзаро тадқиқотчилар алмашинуви дастурини йўлга қўйиш, халқаро даражадаги конференцияларни ташкил этиш ва шу каби бошқа истиқболли лойиҳалар юзасидан фикрлар алмашинилди ҳамда ўзаро меморандумга имзо қўйилди.

Муфтий Бобохоновлар жамғармаси ва Имом Бухорий номидаги Тошкент ислом институти ўртасида Меморандум имзоланди

Тошкент ислом институтида “Ўзбекистон мусулмонлари идорасининг Собиқ иттифоқ давридаги фаолияти (1943-1989) ва Муфтий Бобохоновлар сулоласи” мавзуида илмий-маърифий тадбир ўтказилмоқда.

Шу муносабат билан институтга “Муфтий Бобохоновлар” жамғармаси директори Жамолхон Бобохонов ҳамда мазкур жамғарма ва сулола  вакиллари ташриф буюрдилар.

Тадбир доирасида мазкур жамғарма томонидан нашр этилган китоблар кўргазмаси ҳам ташкил этилди. Шунингдек, институт талабалари Муфтий Бобохонов сулоласининг нафақат юртимизда балки мустақил ҳамдўстлик мамлакатларида Ислом динининг ривож топишида амалга оширган ишлари тўғрисида қизиқарли маълумотларга эга бўлдилар.

Икки томонлама илмий-маърифий ҳамкорликни ривожлантириш юзасидан ўтказилган музокараларда институт ректори Уйғун Ғафуров илгари сурган бир қатор истиқболли таклифлар жамғарма вакилларида томонидан маъқулланди.

Мулоқот сўнггида Имом Бухорий номидаги Тошкент ислом институти ректори У.Ғафуров ва “Муфтий Бобохоновлар” жамғармаси директори Ж.Бобохонов илмий-маърифий ишлардаги ҳамкорликни янада кенгайтириш мақсадида “Англашув меморандуми”ни имзоладилар.

“Муфтий Бобохоновлар” жамғармаси ва Имом Бухорий номидаги Тошкент ислом институти ўртасида имзоланган ҳамкорлик меморандумга кўра  талабалар ўртасида “Мозийдан таралган зиё!” мавзусида мақолалар танлови ўтказилди